Жүйелік талаптар
Microsoft Windows
Windows жүйесіне LibreOffice орнатуға арналған бағдарламалық қамтама мен аппараттық алғышарттар төмендегідей:
- Windows Server 2012 бастап 2022 дейін, Windows 10 немесе 11 (LibreOffice бағдарламасына Windows 11-де толық қолдау көрсетіледі)
- Pentium-үйлесімді ДК
- 256 МБ ЖЖҚ (512 МБ ЖЖҚ ұсынылады)
- 1,5 ГБ дейінгі бос қатты диск орны
- 1280x800 ажыратылымдығы, кемінде 256 түс
Орнату процесі үшін әкімші құқықтары қажет. Бағдарламалық қамтаманы өшіру немесе орнату алдында жүйе мен деректердің резервтік көшірмесін жасау ұсынылады.
Бағдарламалық қамтаманың кейбір мүмкіндіктері үшін — бірақ көпшілігі үшін емес — Java қажет. Java әсіресе Base үшін қажет.
Apple macOS
Apple macOS компьютеріне орнатуға арналған бағдарламалық қамтама мен аппараттық алғышарттар төмендегідей:
- macOS 11 немесе жаңалау нұсқасы
- Intel немесе Apple silicon процессоры
- 512 МБ ЖЖҚ
- 800 МБ дейінгі бос қатты диск орны
- 256 түсті 1280x800 графикалық құрылғысы
Бағдарламалық қамтаманы өшіру немесе орнату алдында жүйе мен деректердің резервтік көшірмесін жасау ұсынылады.
Ескертпелер:
- Бағдарламалық қамтаманың кейбір мүмкіндіктері үшін — бірақ көпшілігі үшін емес — Java қажет. Java әсіресе Base үшін қажет.
- Мәселеге байланысты Java-да келесі шектеулер бар: macOS 10.10 және одан жаңа нұсқаларында JRE табылмайды, JDK қажет
- LibreOffice 4.3 әлі де OS X 10.6+ нұсқасында жұмыс істей алады, бірақ 4.3 қолданыстан шыққан 2015 жылғы 27 мамырда бұл қолдаудың да аяқталғанын түсінуіңізді сұраймыз.
GNU/Linux
Әдеттегідей, LibreOffice-ті Linux дистрибутивіңіз (мысалы, Ubuntu Linux жағдайында Ubuntu Software Center) ұсынған орнату әдістері арқылы орнату ұсынылады. Себебі бұл әдетте жүйеңізге оңтайлы біріктірілген орнатымды алудың ең оңай жолы. Шындығында, LibreOffice Linux операциялық жүйесін алғаш орнатқан кезде-ақ әдепкі бойынша орнатылған болуы мүмкін.
Қауымдастық ұсынған LibreOffice орнатқыштары арнайы қажеттіліктері бар пайдаланушыларға және ерекше жағдайларға арналған.
Linux-ке орнату үшін бағдарламалық қамтама және аппараттық талаптар келесідей:
- Linux ядросының 4.18 немесе одан жоғары нұсқасы
- glibc2 2.27 немесе одан жоғары нұсқасы
- Pentium-үйлесімді ДК
- 256 МБ жедел жады (512 МБ жедел жады ұсынылады)
- 1,55 ГБ-қа дейінгі бос қатты диск орны
- 1280x800 ажыратымдылығы бар, кемінде 256 түсті қолдайтын X Server
- ATK пакеті бар GNOME (көмекші технологиялар [AT] саймандарының жұмысы үшін қажет) немесе басқа үйлесімді графикалық интерфейс (мысалы, KDE және т.б.)
Бағдарламалық қамтаманың кейбір мүмкіндіктері үшін — бірақ көпшілігі үшін емес — Java қажет. Java әсіресе Base үшін қажет.
Бағдарламалық қамтаманы өшіру немесе орнату алдында жүйе мен деректердің резервтік көшірмесін жасау ұсынылады.
Android/Linux
Android-ке арналған LibreOffice қарау құралын қараңыз.
Басқа операциялық жүйелер
Қауымдастық дайындаған LibreOffice нұсқалары BSD сияқты басқа операциялық жүйелер үшін де қолжетімді. Толық ақпарат алу үшін TDF Wiki бетіндегі кеңейтілген жүйелік талаптарды қараңыз.