Qui son nos?

LibreOffice es un software disveloppate e dirigite per le communitate, e es un projecto del organisation sin scopo lucrative, The Document Foundation. LibreOffice es software libere e de codice aperte, originalmente basate sur OpenOffice.org (communmente cognoscite como OpenOffice), e es le projecto successor de OpenOffice.org le plus activemente disveloppate.

LibreOffice es disveloppate per usatores qui, justo como tu, crede in le principios del software libere e in compartir lor travalio con le mundo in manieras non restrictive. Al centro de iste principios son le quatro libertates essential e le principios del Manifesto del proxime decada [PDF] del Document Foundation.

Nos crede que le usatores debe haber le libertate de executar, copiar, distribuer, studiar, cambiar e meliorar le software que nos distribue. Ben que nos offere discargamentos sin costo del suite de programmas LibreOffice, le software libere es primo e principalmente un question de libertate, non de precio. Nos face campania pro iste libertates perque nos crede que totes los merita.

Nos cerca eliminar le division digital e dar poter a totes como citatanos plen, supportar le preservation del linguas materne, e evitar le software proprietari e le dependentia de formatos proprietari. Nos travalia pro attinger nostre scopos per

• forninte accesso sin restrictiones a nostre instrumentos de productivitate de officio sin costo
• incoragiante le traduction, documentation e mantenimento de nostre software in tu proprie lingua
• in promover e participar activemente in le creation e disveloppamento de standardes aperte e software libere via processos aperte e transparente de revision inter pares

Ben que le membros de nostre communitate veni de origines differente, nos valora le election personal e le transparente, le qual se traduce practicamente in un compatibilitate plus large, plus de utilitate e sin dependentia del usator final a un sol producto. Nos crede que le software libere pote fornir un melior qualitate, major confidentia, securitate augmentate, e un major flexibilitate que le alternativas proprietari.

Le communitate detra LibreOffice es le corde del projecto, sin le qual nos non haberea le ressources pro continuar a disveloppar nostre software. Le passion e energia que cata individuo apporta al communitate resulta in disveloppamento collaborative que sovente excede nostre proprie expectationes. Con dozenas de rolos differente ma essential in le projecto, nos invita totes a junger se a nos in nostre travalio e adjutar nos a facer LibreOffice cognoscite e accessibile pro totes.

Le statutos de The Document Foundation, disveloppate per membros de nostre proprie communitate, guida le modo in que nos travalia e incoragia nove membros a contribuer in un modo que beneficia tanto le communitate integre como illos mesme. Per le uso de licentias copyleft como le GNU Lesser General Public License, Licentia Public de Mozilla, e le Creative Commons Attribution-ShareAlike License, nos nos compromitte a proteger tu derectos como disveloppatores e creatores de contento.

Es tu interessate in vider qui jam ha contribuite al projecto LibreOffice? Visita nostre pagina de Creditos. Nos spera vider tu nomine ibi tosto!

Pro apprender plus re como le communitate protege vostre derectos e como le fundation sin fines lucrative The Document Foundation guida projectos como LibreOffice, vide nostre Politica de confidentialitate e Information legal.

Apprende plus re nostre communitate

Controla nostre mappa del communitate pro trovar membros del communitate LibreOffice proxime a te!