Magazines de applicationes e Chromebooks
Tu pote discargar LibreOffice gratuitemente directo desde nostre sito web, pro Windows, macOS e Linux, e installar lo tu misme. Nonobstante, si tu vole obtener lo per le Microsoft Store o le Mac App Store, tu pote facer lo hic:
Iste versiones son software libere (como in codice aperte) ma il ha un parve commission pro coperir le effortio de adder le software in magazines de applicationes e adjutar a disveloppar le software (e construer nostre communitates).
Chromebooks
Tu pote obtener un application basate sur LibreOffice ab nostre disveloppatores certificate e membros del ecosystema:
Versiones de disveloppamento
Candidatos de lanceamento
Isto son versiones de prelanceamento e non son recommendate pro uso in production. Es tu interessate in adjutar? Lege le notas de lanceamento e visita nostre pagina de probas.
- Le compilationes 25.8.4 RC son in configuration de lanceamento e reimplaciara le installation existente de LibreOffice!
- Le compilationes 26.2.0 RC son in configuration de lanceamento e reimplaciara le installation existente de LibreOffice!
Tu poterea usar un installation parallel pro prevenir aquello, e ancora pote testar e travaliar con iste version.
Accede al servitor de versiones de prelanceamento e selectiona le version que tu prefere ibi.
Compilationes Nightly
Le compilationes Nightly son versiones de disveloppamento avantiate de LibreOffice e offere instantaneos regular de disveloppamento usate pro intentiones de proba. Isto veni sin necun garantia.
Accede le servitor de compilationes Nightly hic.
Lista conveniente de compilationes master.
Codice fonte e SDK
Tote nostre codice fonte es hospitate in git. Executa
git clone https://git.libreoffice.org/core
pro clonar lo (navigar).
Plus de instructiones in le section de disveloppamento de nostre wiki. Verifica nostre licentias.
Discarga le SDK in formato de archivo
LibreOffice_26.2.0_Linux_x86-64_rpm_sdk.tar.gz
(Torrent, tote le ligamines de speculo)
Discarga le codice fonte in formato de archivo
(Torrent, tote le ligamines de speculo)
libreoffice-dictionaries-26.2.0.3.tar.xz
(Torrent, tote le ligamines de speculo)
libreoffice-help-26.2.0.3.tar.xz
(Torrent, tote le ligamines de speculo)
libreoffice-translations-26.2.0.3.tar.xz
(Torrent, tote le ligamines de speculo)
Versiones ancian
Versiones plus ancian de LibreOffice (non plus actualisate!) son disponibile in le archivo.
LibreOffice Impress Remote
Le application LibreOffice Impress Remote te permitte interager con tu presentation desde tu smartphone o smartwatch. Le application es disponibile pro Android, iOS e smartwatches Pebble.
Pro plus de information re iste application, visita le pagina wiki.
LibreOffice pro Android e iOS
The Document Foundation offere un application de visualisation de documentos de LibreOffice, con supporto experimental de edition, pro dispositivos Android:
Pro editar documentos, il ha un producto basate sur LibreOffice in magazines de applicationes desde Collabora, un de nostre disveloppatores certificate e membros del ecosystema:
LibreOffice Portable
LibreOffice Portable es un version portabile complete de LibreOffice pro Windows – include un processor de textos, folio de calculo, instrumento de presentation, pacchetto de designo e base de datos – impacchettate como un application portabile, assi tu pote portar tote tu documentos e toto lo que tu necessita pro travaliar con illos ubicunque tu va. Illo es impacchettate in formato PortableApps.com assi illo pote functionar con le platforma PortableApps.com e su actualisator automatic e magazin de applicationes, functiona con altere menus portable, o functiona per se mesme desde un USB, nube o disco local. E illo es de codice aperte e completemente gratuite.
- LibreOffice 26.2.0 Portable MultilingualStandard <–> LibreOffice 26.2.0 Portable MultilingualAll
- LibreOffice 25.8.4 Portable MultilingualStandard <–> LibreOffice 25.8.4 Portable MultilingualAll
Le discargamento de tote le linguas (MultilingualAll) include tote le linguas supportate per LibreOffice
LibreOffice es impacchettate pro uso portabile per PortableApps.com con permission e assistentia de The Document Foundation. Pro plus de information e supporto visita iste pagina (pro LibreOffice Portable ultime) e iste pagina (pro LibreOffice Portable precedente).
LibreOffice via Chocolatey
Discarga LibreOffice ab Chocolatey.
LibreOffice in formato Flatpak
Flatpak es un modo de distribuer imagines de applicationes Linux que functiona sur un large gamma de diverse distributiones, e functiona ibi in un modo secur.
Le ultime versiones de Flatpak de LibreOffice son fornite sur Flathub (ligamine directe pro discargar org.libreoffice.LibreOffice.flatpakref).
Alicun elementos a considerar:
- Le Flatpak de LibreOffice usa le backend GTK3 de LibreOffice, que debe offerer le collection de functionalitates plus complete de LibreOffice, include le supporto pro Wayland.
- Le datos de localisation son transferite a un extension org.libreoffice.LibreOffice.Locale extension. Lor installation debe esser gestionate transparentemente per le infrastructura de Flatpak.
- Le contento de adjuta es disponibile como un extension org.libreoffice.LibreOffice.Help. Tu probabilemente necessita installar lo manualmente. (E, al minus pro ora, illo contine contento de adjuta pro tote le localisationes, dunque es plus tosto grande.)
- In iste momento, il non ha un version Flatpak del Software Development Kit (SDK) de LibreOffice.
- Le defecto que solmente appare in le version Flatpak deberea esser signalate a Flathub.
LibreOffice como Snap
Snaps son rapide a installar, facile de crear, secur pro executar, e illos se actualisa rapidemente e transactionalmente assi le application es sempre fresco e nunquam rupte. Illos aspira a functionar sur qualcunque distribution o dispositivo, desde dispositivos IoT a servitores, scriptorios a dispositivos mobile.
Installation de LibreOffice desde le magazin
Le versiones actual de LibreOffice son disponibile in le magazin Snap como versiones de 64-bit.
Tu pote installar le snap de LibreOffice visitante:
https://snapcraft.io/libreoffice
O installa desde le linea de commando:
sudo snap install libreoffice
Si tu manca le commando snap, tu necessita installar snapd primo.
Execution del version de LibreOffice installate como snap
Post le installation, le version de LibreOffice installate via snap pote esser trovate in le menu de Applicationes.
Alternativemente, se pote initiar con le commando:
/snap/bin/libreoffice
Le omission del percurso plen probabilemente initiara le version de LibreOffice installate per le distribution in su loco, si il es disponibile.
Plus de detalios sur snap e le pacchetto snap de LibreOffice
Plus de detalios sur snap e le pacchetto snap de LibreOffice son disponibile in le pagina de snap e in le entrata de blog ligate.
Nota que le defectos que solmente appare in le version Snap debe esser signalate a Launchpad de Ubuntu.
LibreOffice como AppImage
AppImage es un formato de application portabile pro Linux que permitte al usatores executar applicationes sur distributiones Linux continue (p.ex. Arch, openSUSE Tumbleweed) e stabile (p.ex. Ubuntu LTS, Red Hat Enterprise Linux) multo facilemente, sin le necessitate de installation o preoccupation pro dependentias. AppImages include tote le files necessari proque un application functiona (p.ex. bibliothecas, traductiones, icones, fontes) que pote non esser presente sur le systema de un usator.
LibreOffice AppImage es un version portabile de LibreOffice pro Linux que pote esser executate desde qualcunque location (p.ex. disco local, USB, CD, compartition de rete) sur tote le distributiones popular de Linux, include lor CDs live. LibreOffice AppImage es disponibile in tres versiones - Basic, Standard, e Full - que supporta un collection differente de linguas.
Le version Basic include supporto pro le lingua predefinite, anglese (SUA).
Discarga le ultime version Basic
Discargar le version Basic precedente
Le version Standard include supporto pro anglese (SUA e GB), arabe, chinese (simplificate e traditional), francese, germano, italiano, japonese, coreano, portugese (Brasil e Portugal), russo, e espaniol.
Discargar le ultime version Standard
Discargar le version Standard precedente
Le versionFull include tote le linguas supportate per LibreOffice.
Discargar le ultime version Full
Discargar le version Full precedente
Plus de discargamentos
Appimages additional de LibreOffice pote esser trovate in le repositorio de LibreOffice AppImage.
Executar le AppImage ab le interfacie graphic de usator
- Aperi tu gestor de files e naviga al percurso del AppImage
- Face clic dextre sur le AppImage e clicca le entrata “Proprietates”
- Cambia al scheda de Permissiones e
- marca le quadrato marcabile “Permitter execution de file como programma” si tu usa un gestor de files basate sur Nautilus (Files, Nemo, Caja)
- Clicca le quadrato marcabile “Il es executabile” si tu usa ora Dolphin
- Clicca le quadrato marcabile “Permitter execution de iste file como un programma” in Thunar
- Cambia le lista disrolante “Executar” a “Quicunque” si tu usa PCManFM
- Claude le dialogo
- Face clic duple sur le file AppImage pro executar
Executar le AppImage ab le Terminal
- Aperi tu application de terminal, si il non es jam aperte
- Naviga al location del AppImage
- Face que le AppImage sia executabile
$ chmod a+x LibreOffice\*.AppImage
- Executa lo
$ ./LibreOffice\*.AppImage
Notas
- Le AppImages de LibreOffice reimpacchetta le mesme files binari trovate in le files .tar.gz que son distribuite sur le pagina principal de discargamento, per un script de compilation hospitate sur le systema de controlo de versiones de LibreItalia.
- Le AppImages de LibreOffice functionara sur le distributiones que pote executar un version installate de LibreOffice, ma expecta que le systema del usator ha alicun bibliothecas que non es includite con le AppImage, como Java (usate in Base) e GStreamer (usate in Impress).
- Le AppImages de LibreOffice era testate e functiona sur iste versiones ancian de distributiones stabile e lor versiones plus recente - Ubuntu 10.04 LTS, Debian 6, Fedora 12, openSUSE 11.3, Mageia 2, PCLinuxOS 2013.07.15, Puppy 6, Salix 13.37 (Slackware), CentOS 6
- Le AppImages de LibreOffice ha essite testate e executate in iste distributiones continue: Solus, openSUSE Tumbleweed, Arch Linux, Gentoo Linux, Tails
- LibreOffice AppImages use the existing user profile of an installed version of LibreOffice on your system or create one if none exist. For LibreOffice AppImages that use their own user profile folder (so they won’t conflict with the user profile of an installed version of LibreOffice on your system), go to the LibreOffice Portable AppImage repository.
- Le AppImages de LibreOffice son actualmente disponibile como executabiles de 64-bit, assi illos functionara solmente sur distributiones Linux de 64-bit.
- Le AppImages require FUSE pro functionar. Si tu systema non ha un configuration de FUSE operative, tu pote ancora extraher le contentos del AppImages usante le option --appimage-extract.
- AppImages non son “sandboxate”, assi si tu vole executar los in iste maniera, lege iste guida pro sandbox con firejail.
LibreOffice Online
Nota: Le repositorio de LibreOffice Online a TDF es temporarimente congelate. Actualisationes super isto sera publicate in nostre blog e in nostre sito web.
Que es illo?
LibreOffice Online es un servicio de servitor construite desde le codice principal del projecto LibreOffice, que forni visualisation e edition visual collaborative de un varietate de typos de documentos in un navigator web. Illo non include alicun forma de systema de files. Pro esser plenmente functional, illo debe esser integrate con accesso a files e fornimento de authentication desde un pila subjacente de software.
Pro qualcunque uso plus que casual, il debe anque esser displicate con debite consideration pro balanciamento de carga e altere problemas de scalabilitate. Assi, LibreOffice Online pote esser considerate un technologia habilitante pro le nube public de ISP o le nube private de interprisas e grande organisationes, quando es integrate - per exemplo - con un solution de interprisa de compartition de files o un solution de groupware.
Per que non fornir un servicios hospite?
The Document Foundation non plana disveloppar e financiar un solution de nube similar al productos existente de Google e Microsoft, perque isto requirerea le selection e integration del altere technologias necessari pro le displicamento - compartition de files, authentication, balanciamento de carga e assi via - que pro LibreOffice de scriptorio es parte del systema operative fornite per le usator. Isto serea un significative augmentation de campo e non in linea con le mission original del projecto. Le carga es dunque lassate al grande displicatores, ISP e fornitores de solutiones de nube de codice aperte, e plure optiones es jam disponibile sur le mercato. TDF darea le benvenita al fornimento de un offerta public de LibreOffice Online per un altere organisation caritative.
Per que es isto sin supporto?
TDF non offere supporto al usatores final pro alicun del projectos que illo hospite. Autoadjuta collaborative pro usator final es disponibile sur ask.libreoffice.org.
Proque LibreOffice Online require integration con multe altere technologias pro permitter displicamento, The Document Foundation non mantenera binarios pro uso de interprisa. Mesmo si il serea rationabile preselectionar tote le elementos de un pila de displicamento, fornir binarios de production de interprisa crearea expectationes que non poterea esser satisfacite per supporto basate super voluntarios.
Totevia, compilationes del ultime codice adaptate pro usatores domestic e pro contribuer al disveloppamento - lo qual es incoragiate - son disponibile. TDF ha le intento de evitar situationes ubi un version inadaptate es displicate a scala grande, assi que quando usate in circumstantias que suggererea un situation de interprisa - plus de 10 documentos concurrente e/o plus de 20 connexiones - LibreOffice Online monstrara un prominente advertimento “non supportate” e un ligamine a iste pagina, durante que continuara a functionar.
Nos incoragia altere fornitores de binarios non supportate basate sur LibreOffice a sequer iste patrono.
Como pote io obtener supporto e adjutar a financiar le disveloppamento?
The Document Foundation recommenda que tote le displicatores a grande scala de LibreOffice usa disveloppatores certificate directemente o via un fornitor commercial qui los emplea. Isto es specialmente importante pro LibreOffice Online ubi vostre interprisa joca un rolo importante pagante pro le disveloppamento ulterior del software.
Non tenta un displicamento de production public o de interprisa de LibreOffice Online sin supporto professional. Como explicate supra, illo non es destinate pro displicamento directe in production.
Pote io usar isto gratuitemente?
Absolutemente, LibreOffice Online es software libere e de codice aperte, sol discargar lo e usar lo, inspectar, studiar, compartir, modificar e contribuer al projecto. Sol tene presente que le version que tu ha discargate es designate pro uso personal e/o de disveloppamento, assi que un notification de “non supportate” es monstrate quando tu excede 10 documentos concurrente e 20 connexiones.
Como pote io compilar un version sin iste advertimento?
LibreOffice es software libere e de codice aperte e tu ha le derecto de facer qualcunque cambiamentos que tu desira al codice fonte. Cata version de LibreOffice Online ha un pagina de Adjuta/A proposito con le hash Git del codice fonte a partir del qual illo es construite e un ligamine pro clonar iste codice fonte. Nota que si tu remove tal declarationes de supporto del codice, tu pote necessitar cambiar le nomine del projecto, specialmente si tu intende render lo disponibile foras de tu organisation - consulta nostre directivas de marca registrate. Isto anque servi pro clarificar que tu te compromitte a supportar le version que tu ha create.
Obtener lo
Ben que TDF forni solmente lanceamentos de fontes, il ha binarios disponibile desde multe altere fontes include:
Collabora Online Development Edition (CODE)
LibreOffice Online ha essite principalmente disveloppate per Collabora. Il ha pacchettos pro Debian, Ubuntu, centOS, openSUSE, Univention Virtual Machines, e imagines docker de iste travalio disponibile hic.
Imagines Docker de LibreOffice Online
- Imagines fornite per TDF e disponibile desde: r/libreoffice/online/
- Imagines fornite per Collabora e disponibile desde: r/collabora/code
- Imagines fornite per CIB e disponibile desde: r/cibsoftware/libreoffice-online
Pacchettos Kopano
Istos son fornite per Kopano, pro Debian e Ubuntu e son disponibile hic.
LibreOffice Online in EGroupware
Con un installation de EGroupware, Collabora Online es installate e configurate como un container Docker, e es directemente disponibile in EGroupware como un hospite de files. Collabora Online pote esser excambiate pro CODE con un parve cambiamento de configuration. Installation de EGroupware con Collabora Online/CODE