LibreOffice Technology
Technologia LibreOffice es le resultato de dece annos de activitate intensive sur le codice fonte libere del software, coordinate per le Committee Directive de Ingenieria e realisate per disveloppatores, ingenieros de software, expertos de securitate, e specialistas de interfacie e experientia de usator de multe affiliationes.
Le objetivo de iste processo evolutive era crear un platteforma de software unic pro le productivitate individual sur scriptorio, mobile e le nube: le sol approximation capace de offerer al usatores le functionalitates de interoperabilitate que permitte le compartition transparente de tote le contento, e le independentia de venditores commercial unic e strategias de limitation a un venditor specific.
Hodie, existe un grande familia de productos basate sur le Technologia LibreOffice, pro le scriptorio (con versiones pro communitate e optimisate pro interprisas), pro le nube, pro Android e iOS, e pro Chrome OS. Le Technologia LibreOffice es anque usate intra productos plus grande pro converter e processar formatos de documentos. Iste productos son lanceate per differente organisationes e ha differente nomines de marca, ma comparte le mesme motor commun pro offerer al usatores le mesme avantages unic in terminos de interoperabilitate, resilientia, robustessa e securitate.