Folio a questiones

Nota: Iste pagina es pro questiones general re discargamentos de LibreOffice, lor licentia e como opera le projecto. Pro adjuta technic con le mesme software, vide nostre FAQ sur le wiki, e anque nostre sito web Ask LibreOffice.

1. Io ha donate, ma non pote discargar LibreOffice. Ubi pote io obtener lo?
2. Pro que es LibreOffice gratuite? Ha il un truco?
3. Pote io usar LibreOffice in mi negotio?
4. Per que non include LibreOffice un cliente de e-mail?
5. Addera tu un certe functionalitate?
6. Como pote io signalar un problema con LibreOffice?
7. Io videva LibreOffice sur vendita in un magazin o sur internet - es illo de vostre?

Io ha donate, ma ancora non pote discargar LibreOffice - Ubi pote io obtener lo?

Primemente, gratias pro tu donation! Nos lo apprecia multe. Le donationes son purmente optional, e tu pote sempre discarga LibreOffice gratuitemente. De le pagina de discargamento, post cliccar le button “Discarga”, tu videra un ligamine sur le pagina sequente, supra le message de donation, como isto:

Solmente clicca le ligamine pro comenciar le discargamento de LibreOffice. Si tu ancora ha problemas, verifica que tu navigator, systema operative o software de securitate non preveni le discargamento. Tu pote anque contactar download@libreoffice.org con le version de tu systema operative, e nos te inviara un ligamine directe.

Pro que es LibreOffice gratuite? Ha il un truco?

LibreOffice es software libere e de codice aperte, disveloppate per un communitate mundial. Tu pote usar, compartir e modificar le software secundo le Mozilla Public License 2.0. LibreOffice es gratuite perque su communitate se interessa al standardes aperte e al elimination del divisiones digital - in crear un mundo ubi totos ha accesso a instrumentos potente e de codice aperte.

Pote io usar LibreOffice in mi negotio?

Si - sia pro un computator in tu officio domestic, o 10.000+ computatores in un interprisa, tu pote usar LibreOffice sin pagar alicun costos de licentia. Pro displicamentos plus grande, nos recommenda fortemente considerar le optiones de supporto professional, fornite per disveloppatores, consultantes e formatores professional de LibreOffice.

Per que non include LibreOffice un cliente de e-mail?

Ora mesmo, il non ha planos pro disveloppar un cliente de e-mail intra LibreOffice, como il ha excellente clientes de e-mail gratuite e de codice aperte disponibile. Nos prefere concentrar nos sur LibreOffice, nostre producto principal, e nos effortia pro facer melior le integration con le solutiones existente.

Addera tu un certe functionalitate?

Como LibreOffice es de codice aperte e disveloppate per un communitate, le disveloppatores elige quales functionalitates illos vole adder, basate sur lor proprie necessitates (o le necessitates de cliente). Si tu realmente vole vider un certe nove functionalitate, considera financiar disveloppatores certificate pro implementar iste functionalitate. Alternativemente, si tu ha un certe capacitate technic, tu pote participar e travaliar super nove functionalitates con le resto del communitate. Nos apprecia e attende con impatientia tu adjuta!

Como pote io signalar un problema con LibreOffice?

Si tu ha discoperte un defecto in LibreOffice e tu vole reportar lo a nostre communitate de assecurantia de qualitate (QA), visita le traciator de defectos. Quando tu submitte un reporto, verifica si illo affecta le ultime version del software, e si tal es, forni multes de detalios in tu reporto - version del systema operative, passos exacte pro repeter le problema, e captura(s) de schermo si necessari. Gratias!

Io ha viste LibreOffice sur vendita in un magazin o sur le Internet, es le tue?

Probabilemente no. LibreOffice es software libere e de codice aperte e pote esser redistribuite per altere personas, subjecte al licentia. Ma si tu vole le version official de The Document Foundation, tu deberea sempre discargar lo de nostre sito web. Nota que alicunos de nostre disveloppatores certificate forni lor proprie versiones de LibreOffice con optiones de supporto a longe termino.