Aktiviĝu
Bonvenon! LibreOffice-on kreis amikema komunumo, konsistanta el centoj da kontribuantoj ĉirkaŭ la mondo. Ĝi estas libera kaj malfermitkoda programo, tiel ke iu ajn povas studi ĝian funkciadon kaj aldoni plibonigojn. Kunlaboru kun ni kaj helpu nin fari ĝin eĉ pli bona!
Antaŭ ol komenci kontribui, oni rekomendas plani intervjuon kun la mentoro de TDF Ilmari Lauhakangas.
Ĉu jam kontribuanto? Aliĝu al TDF!
Notu ke membroj povus sendi peton de subvencio por financi sian projekton.
Tasketoj
Ĉu vi havas liberan dekon aŭ dudekon da minutoj kaj volas helpeti nin? Rigardu ĉi tiujn rapidajn taskojn:
- Helpu aliajn per respondoj al demandoj ĉe Ask LibreOffice
- Foliumu niajn paĝojn de oftaj demandoj kaj kontrolu ĉu ili estas ĝisdataj (aŭ traduku ilin)
- Ĝisdatigu aŭ plibonigu niajn merkatajn materialojn kaj flugfoliojn
- Kontrolu kaj konfirmu novajn cimraportojn por helpi nian skipon de garantio pri kvalito (QA)
Ĉu vi ankoraŭ ne certas? Respondu al kelkaj demandoj por ekscii kion vi povas fari por LibreOffice.
Per alklakado de la suba butono vi konsentas vidi enhavon de retpaĝo de tria partio (YouTube) kaj ke viaj personaj datumoj transmetiĝos kaj traktiĝos kiel indikite en la politiko de privateco de YouTube.
Skipoj
Programado
Programado – Novaj funkcioj – Cimriparoj
- Alklaku ĉi tie por ekhavi la kodon, paroli kun la programistoj, kaj komenci labori pri Easy Hacks
Dokumentado
Gvidlibroj – Enreta helpo – Oftaj demandoj
- Rigardu nian paĝon el la dokumentado pri kiel vi povas aktiviĝi pri nia dokumenta laboro (ekz. enreta helpo aŭ gvidlibroj de Tabelilo)
Infrastrukturo
Servoj – Iloj – Aparataro
La infrastrukturon de LibreOffice – ekzemple la retejon – uzas milionoj da homoj ĉiujare. Aliĝu al nia komunumo kaj spertiĝu pri grandskala infrastrukturo!
- Rigardu nian infrastrukturan paĝon por la iloj kiujn ni uzas kaj por ekscii kiel aktiviĝi
Aspektigo
Uzantinterfaco – Spertoj de uzantoj – Markoj
- Kontribui al la aspektigo de LibreOffice per viaj artaĵoj kaj via scio pri spertoj de uzantoj
Tradukado
Pli ol 100 lingvoj – kaj pliaj venos
- Alklaku ĉi tie por lerni pri niaj iloj kaj komunumoj por denaskaj lingvoj
Garantio pri kvalito
Cimriparado – Selektado – Dudusekcado
- Registriĝu ĉe nia Bugzilla, nia cimspuradilo.
- Instalu la plej lastan version de LibreOffice
- Komencu konfirmi aŭ retesti cimraportojn
- Aliĝu al #libreoffice-qa ĉe Libera Chat se vi bezonas helpon
Merkatado
Varbado – Ĉeestado de eventoj – Kreado de materialoj
- Aliĝu al nia dissendolisto (sendu malplenan mesaĝon kaj sekvu la instrukciojn)
- Prezentu vin (kie vi loĝas kaj kiel vi ŝatus helpi)
- Skipano donos al vi kelkajn ideojn por prilabori
